گلناز زاہد(اے ای انڈرگراونڈ نیوز)
بلوچستان کے سرد علاقوں میں نئے تعلیمی سال کا آغاز ہو گیا، صوبے کے 20 اضلاع میں اسکول آج سے کھلیں گے۔
نئے تعلیمی سال کی داخلہ مہم میں ڈھائی لاکھ سے زائد نئے بچوں کے داخلے کا ٹارگٹ مقرر کیا گیا ہے۔
محکمہ تعلیم کے حکام کاکہنا ہے کہ اس سال نئے تعلیمی سیشن کے آغاز پر بلوچستان کے اسکولوں میں ’آؤ بچو اسکول چلیں‘ کے عنوان سے داخلہ مہم شروع کی جارہی ہے جس میں 2 لاکھ 69 ہزار 143نئے بچے اسکولوں میں داخل کئے جائیں گے۔
حکام کے مطابق بلوچستان بھر میں پہلی سے بارہویں جماعت کے طلبا کو مفت کتب فراہم کی جائیں گی، کتابوں کی چھپائی کا کام تقریباً مکمل ہو گیا ہے۔
خیال رہے کہ بلوچستان میں موسم سرما کی تعطیلات کیلئے اسکول 16 دسمبر کو بند کئے گئے تھے۔
