عارف چودھری) راچڈیل برطانیہ)
راچڈیل کونسل آف مساجد کی ماہانہ میٹنگ جامع مسجد چشتیہ میں چئیرمین طاہر محمود کی برطانیہ میں عدم موجودگی میں وائس چئیرمین مولانا امام مسجد عرفان چشتی کی صدارت میں منعقد ھوئ – اجلاس کا آغاز حافظ مفید احمد نے تلاوت قرآن پاک سے کیا – مقامی مساجد کے نمائندوں نے شرکت کی اور اپنے فارمولا کے مطابق متفقہ طور پر 12مارچ بروز منگل کو رمضان مبارک کے آغاز کا اعلان کر دیا -جو وائس چئیرمین مولانا امام عرفان چشتی نے کیا -اجلاس میں شرکت کرنے والے علماء کرام میں – عبدالرؤف نقشبندی -حافظ عبدالمالک -جائنٹ سیکرٹری مولانا ظہیر احسن -اطہر محمود -علی اکبر -ایم امجد -فہیم سجاد قادری-عمران عالم -شعیب جاوید -رضوان لطیف- حافظ مفید احمد -محمد شبیر -عدیل عابد خان -شوکت علی -محمد فاروق -ایم اطہر -ڈوبر میاں-چودھری خالد محمود ہنجرا-محمد جمال شامل تھے -اس موقع پر برطانیہ کا شہر راچڈیل شاید پہلا شہر ہے جہاں پر راچڈیل کونسل آف مساجد جس میں تمام مکتبہ فکر کے علماءکرام کے اتحاد کے باعث ہر سال رمضان مبارک اور عیدیں ایک دن کرتے ہیں-جس کی مثال برطانیہ بھر میں دی جاتی ہے – اس موقع پر مولانا قاری یعبدالرؤف -امام عرفان چشتی مولانا ظہیر احسان حافظ مفید احمد اور حافظ عبدالمالک نے میڈیا سے خصوصی بات کرتے ہوئے کہا کہ راچڈیل کونسل آف مساجد کے طے شدہ فارمولا کے تحت مراکو سے آفیشل اطلاع کے بعد اعلان کر رہے ہیں کہ منگل 12مارچ کو پہلا روزہ ھو گا -ہم اللہ تعالیٰ کے شکر گزار ہے کہ راچڈیل میں ھمیشہ راچڈیل کونسل آف مساجد متفقہ فیصلہ کرتی ہے جس سے مقامی کمیونٹی میں بھی اطمینان پایا جا تا ھے -بعد میں جائنٹ سیکرٹری آر سی ایم مولانا ظہیر احسان نے میڈیا کو بریفنگ دیتے ہوئے بتایا کہ آج کے ماہانہ اجلاس میں رمضان مبارک کے فیصلہ کے علاوہ راچڈیل کی مسلم کمیونٹی کو درپیش مسائل پر بھی تفصیلی بات چیت کی گئ -جس میں قبرستان میں تدفین کے حوالے اور جگہ میں کمی پر تجاویز پیش کی گئیں -جس پر حافظ عبدالمالک نے تفصیلی بریفنگ دی -اجلاس میں پچھلی میٹنگ کی مکمل رپورٹ بھی پیش کی گئ -اسکے علاوہ راچڈیل میں خلح کے حوالے سے درپیش مسائل پر اور اس میں مراحل کو آسان کرنے پر مشاورت کی گئ آخر میں ممتاز عالم دین مولانا عبدالرؤف نقشبندی نے خصوصی دعا کروائ جس میں دنیا بھر کے مسلمانوں کو درپیش مسائل خصوصی طور پر غزہ فلسطین میں شہداء کے لئے دعا کی گئ –
