مزمل حسین ایڈمنسٹریٹر آفسیر انڈرگراونڈ نیوز
اداکارہ منشا پاشا نے کہا ہے کہ میرے شوہر جبران ناصر سوری کہنے میں دیر نہیں لگاتے، میں نے جہیز نہیں دیا، اپنے گھر کے لیے خود چیزیں خریدنا الگ بات ہے۔
جیو نیوز کے پروگرام جشن کرکٹ میں گفتگو کرتے ہوئے اداکارہ منشا پاشا کا کہنا تھا کہ میں بغیر چھالیا میٹھا پان کھاتی ہوں۔
پروگرام میں شریک اداکار جنید خان نے کہا کہ پاکستان میں بہت کم لوگ سینما جا کر فلم دیکھتے ہیں۔
مہمانوں نے پاکستان کرکٹ ٹیم کے وکٹ کیپر اوپننگ بیٹسمین محمد رضوان کی تعریف بھی کی۔
سابق فاسٹ بالر شعیب اختر نے کہا کہ رضوان بہت دلیر آدمی ہے، رضوان کے قد کاٹھ پر نہ جائیں، اس کے کردار پر جائیں، رضوان ایک اثاثہ ہے۔
سابق اسپن بالر مشتاق احمد کا کہنا تھا کہ محمد رضوان کا ایمان بہت مضبوط ہے، یہی اس کی کامیابی کا راز ہے۔
پروگرام میں 500 کی دوڑ میں اداکارہ منشا پاشا اور اداکار جنید خان شہزاد رائے کو ہرانے میں ناکام رہے۔ منشا پاشا نے 452 اور جنید خان نے 442 پوائنٹس اسکور کیے جبکہ شہزاد رائے 465 پوائنٹس کے ساتھ سب سے آگے ہیں۔
