(مصبا ح لطیف اے ای انڈرگرائونڈ نیوز)
کندھ کوٹ کے کچے کے علاقے گیہل پور میں ڈاکوؤں کے خلاف پولیس آپریشن کے بعددو مغوی بازیاب، دونوں کی بازیابی کے بعد مظاہرین نے انڈس ہائی وے پر جاری دھرنا ختم کردیا۔
ایس ایس پی امجد شیخ کے مطابق کچے کےعلاقے گیہل پورمیں پولیس اور ڈاکوؤں کے درمیان مقابلہ ہوا، مقابلے کے دوران ڈاکو دو مغویوں کو چھوڑ کر فرار ہوگئے۔
پولیس کے مطابق دونوں مغویوں کو انڈس ہائی وے پردھرنا دینے والے مظاہرین کے حوالے کیا گیا اور دیگر مغویوں کی جلد بازیابی کی یقین دہانی کے بعد مظاہرین کی جانب سے دھرنا ختم کردیا گیا۔
واضح رہے کہ سول سوسائٹی کی جانب سے گزشتہ روز سے انڈس ہائی وے گولا موڑ پر مغویوں کی بازیابی کیلئے دھرنا دیا گیا تھا، دھرنا ختم ہوتے ہی سندھ، پنجاب، بلوچستان ٹریفک بحال ہوگئی۔
