ریاست بچاتے ہماری سیاست کو نقصان پہنچا ہے تو اسکی کوئی فکر نہیں، شہباز شریف

مصبا ح لطیف (اے ای انڈرگرائونڈ نیوز)

سابق وزیراعظم و مسلم لیگ (ن) کے صدر شہباز شریف نے کہا ہے کہ ہم نے ریاست بچائی اور سیاست کو نقصان ہوا، ریاست بچ گئی، سیاست بھی واپس آجائے گی۔

شیخوپورہ میں جلسے سے خطاب کرتے ہوئے شہباز شریف کا کہنا تھاکہ 2013 میں 20،  20 گھنٹے کی لوڈشیڈنگ تھی، صنعتیں تباہ ہوگئیں تھیں لیکن نوازشریف نے اللہ کا نام لیکر دن رات محنت کی اور 20 گھنٹے کی لوڈشیڈنگ کو 4 سال میں ختم کردیا۔

انہوں نے کہا کہ 21 اکتوبر کو آپ کا بھائی، بیٹا نوازشریف پاکستان آرہا ہے جہاں پر ایک جھرلو الیکشن کے ذریعے ترقی کا سفر ختم کیا گیا تھا، نوازشریف کی واپسی کے بعد وہ سفر وہیں سے شروع ہوگا۔

ان کا کہنا تھاکہ ہم نے ریاست بچائی اور سیاست کو نقصان ہوا، ریاست بچ گئی، سیاست بھی واپس آجائے گی، ریاست کو بچاتے بچاتے سیاست کو نقصان پہنچا تو اس کی پروا نہیں، اگر پاکستان دیوالیہ ہوجاتا تو ریاست تباہ ہوجاتی۔