مشال ارشد سی ایم انڈرگراونڈ نیوز
بچپن سے ہمیں سکھایا جاتا ہے کہ کسی بھی چیز کے ریپرز کو ڈسٹ بن میں ڈالیں لیکن اس کے باجود سڑکوں پر جگہ جگہ کوڑا کرکٹ اس بات کا ثبوت ہے ہم اس سیکھ کو آج تک نہ اپناسکے ہیں۔
انسٹاگرام پر ایک ہاتھی کی ویڈیو وائرل ہورہی ہے جس میں ہاتھی ایک گھر کے آگے کی زمین سے کچرا اٹھا کر کوڑے دان میں ڈال رہا ہے۔
یہ ویڈیو بھارتی فوٹوگرافر مانو مانگلانی کے انسٹاگرام پر اکاؤنٹ پر شیئر کی گئی ہے۔
فوٹوگرافر نے چند سیکنڈ پر مشتمل ویڈیو پوسٹ شیئر کی اور لکھاکہ یہ ایک خوبصورت ویڈیو ہے، امید ہے ہم سب جانور سے سبق سیکھیں گے۔
مانو نے اپنی پوسٹ کے کیپشن میں مزید لکھا کہ بہترین مستقبل کے لیے اپنے اردگرد کو صارف ستھرا رکھیں۔
فوٹوگرافر کی جانب سے شیئر کی گئی ویڈیو کو چند گھنٹوں میں کئی ہزار بار نہ صرف پسند کیاجاچکا ہے بلکہ ویڈیو میں موجود ہاتھی کی سمجھداری پر تجزیے بھی کیے جارہے ہیں۔
