مزمل حسین ایڈمنسٹریٹر آفسیر انڈرگراونڈ نیوز
ٹی20 ورلڈ کپ کے 23ویں میچ میں ویسٹ انڈیز نے بنگلادیش کو 143 رنز کا ہدف دے دیا ہے۔
شارجہ میں کھیلے جارہے میچ میں بنگلادیش نے ٹاس جیت کر فیلڈنگ کا فیصلہ کیا تو ویسٹ انڈیز نے مقررہ 20 اوورز میں 7 وکٹ پر 142رنز بنائے۔
کالی آندھی کے وکٹ کیپر نکولس پورن 40، روسٹن چیز 39 رنز کے ساتھ نمایاں اسکورر رہے، کپتان کیرون پولارڈ 14 اور جیسن ہولڈر 15رنز کے ساتھ ناقابل شکست رہے۔
دیگر کھلاڑیوں میں کرس گیل 4، ایون لوئس 6، شیمرون ہٹمائر 9، آندرے رسل صفر اور ڈیون براوو صرف 1رنز بناکر پویلین لوٹ گئے۔
بنگلادیش کی طرف سے مہدی حسن، مستفیض الرحمان اور شرف الاسلام نے 2،2 وکٹیں اپنے نام کی۔
آئی سی سی ٹی ٹوئنٹی ورلڈ کپ میں آج دوسرا میچ پاکستان کا افغانستان سے ہوگا۔
پاکستان کی اس اہم ترین میچ میں فتح سے سیمی فائنل تک رسائی یقینی ہوجائےگی، میچ شام سات بجے شروع ہوگا۔
