امید ہے فیصل واوڈا نااہل ہوجائیں گے، قادر مندوخیل

مزمل حسین(ایڈمنسٹریٹر آفیسر انڈر گرائونڈ نیوز)

پیپلز پارٹی کے رہنما قادر مندوخیل کا کہنا ہے کہ امید ہے آج فیصل واوڈا نااہل ہوجائیں گے، ان کی سینیٹ کی نشست بھی پی پی کے پاس ہوگی۔

اسلام آباد میں میڈیا سے گفتگو کرتے ہوئے پیپلز پارٹی کے رہنما قادر مندوخیل نے کہا کہ ہمیں الیکشن کمیشن پر پورا یقین ہے کیوں کہ فیصلہ میرٹ پر ہوگا۔

انہوں نے کہا کہ فیصل واوڈا نے اگر کاغذات نامزدگی سے پہلے دوہری شہریت چھوڑی ہوتی تو کیس نہ بنتا، انہوں نے دوہری شہریت بعد میں چھوڑی تھی۔

ان کا یہ بھی کہنا تھا کہ میں نے آج جو بیان حلفی جمع کرایا، غلط ہوا تو اپنی قومی اسمبلی کی نشست چھوڑ دوں گا، کمیشن نے ساڑھے 3 سال بعد کیس کا فیصلہ محفوظ کیاہے۔

خیال رہے کہ الیکشن کمیشن آف پاکستان نے فیصل واؤڈا نااہلی کیس کی سماعت کرتے ہوئے فیصلہ محفوظ کر لیا ہے۔ 

چیف الیکشن کمشنر سکندر سلطان راجہ کی سربراہی میں 3 رکنی کمیشن نے سماعت کرتے ہوئے فیصلہ محفوظ کیا ہے۔