مصباح لطیف(اے۔ای انڈرگرائونڈ نیوز)
کراچی کے علاقے لیاری کے قریب ماڑی پور روڈ پر ہاتھ میں دستی بم پھٹنے سے پولیس اہلکار زخمی ہوگیا۔
پولیس کے مطابق مبینہ طور پر نامعلوم موٹرسائیکل سوار ملزمان نے پولیس اہلکار کی جانب دستی بم پھینکا۔ دھماکے سے اہلکار کے ہاتھ کی انگلیاں اڑ گئیں اور جسم کو بھی نقصان پہنچا۔ واقعے کی مزید تحقیقات کی جارہی ہے۔
زخمی ہونے والا اہلکار عمران کورٹ پولیس سے تعلق رکھتا ہے جسے اسپتال منتقل کردیا گیا ہے۔
ڈاکٹر کے مطابق پولیس اہلکار کو طبی امداد دی گئی ہے اور اس کی حالت خطرے سے باہر ہے۔
زخمی پولیس اہلکار نے ابتدائی بیان دیا ہے کہ کسی نے کوئی چیز پھینکی، اندھیرے میں سمجھ نہیں آیا کہ کیا چیز ہے، قریب گیا اور اٹھایا تو دستی بم پھٹ گیا۔
