مصباح لطیف(اے۔ای انڈرگرائونڈ نیوز)
ترجمان ٹرانس پشاور کا کہنا ہے کہ بی آر ٹی پشاور کے یومیہ سفری اعداد و شمار ریکارڈ 2 لاکھ 54 ہزار سے تجاوز کرگئے ہیں۔
ٹرانس پشاور کے ترجمان کے مطابق مسافروں کی تعداد میں بڑھتے ہوئے اضافے کو دیکھتے ہوئے ایکسپریس روٹ نمبر 1 اور اسٹاپنگ روٹ 8 کے اوقات کار بڑھا دیئے گئے ہیں۔
ترجمان ٹرانس پشاور کا کہنا ہے کہ بی آر ٹی سروس میں مسافروں کی تعداد میں ریکارڈ اضافہ ہوا ہے ، جلد ایکسپریس روٹ نمبر 9 کے اوقات کار میں بھی اضافہ کردیا جائے گا۔
واضح رہے کہ بی آر ٹی پشاور 9 منفرد روٹس اور 158 بسوں کے ساتھ 16 گھنٹے نان سٹاپ سروس دے رہی ہے۔
