مصباح لطیف(اے۔ای انڈرگرائونڈ نیوز)
برطانیہ، یوکرائن کو مزید ایک کروڑ ڈالر امداد دینے پر غورکررہا ہے۔
ترجمان برطانوی وزیراعظم کا کہنا ہے کہ نئی امداد روسی حملوں کے دوران انتظامی امور چلانے کے لیے دی جائے گی، فنڈ کے ذریعے یوکرین کی عوام کی فلاح و بہبود، پینشن اور تنخواہیں دینے میں مدد ملے گی۔
ترجمان نے مزید کہا کہ یہ امداد برطانیہ کی جانب سے وعدہ کیے گئے دو کروڑ 90 لاکھ ڈالر کے علاوہ ہے۔
دوسری جانب یوکرینی صدر کا کہنا ہے کہ جنگی جرائم میں ملوث فوجی کا قبر تک پیچھا کریں گے، روس کو یوکرین میں جان بوجھ کر لوگوں کے قتل کرنے پر حساب دینا پڑے گا، ہم معاف نہیں کریں گے، ہم بھولیں گے نہیں، بربریت کرنے والوں کو سزا دینگے۔
