مشال ارشد سی ایم انڈر گراؤنڈ نیوز
اٹلی کے وزیراعظم ماریو دراگی نے سیاسی ومعاشی بحران کے باعث اتحادیوں کی جانب سے اعتماد کا ووٹ نہ ملنے پر عہدے سے مستعفی ہونےکا فیصلہ کرلیا ۔
غیر ملکی میڈیا رپورٹ کے مطابق اٹلی کے وزیراعظم آفس نے دراگی کے مستعفی ہونے کے فیصلے کے حوالے سے تصدیق کر دی ہے۔
دراگی آفس کی جانب سے جاری بیان کے مطابق حکومتی اتحاد کے درمیان اعتماد بحال رکھنے کی کوششوں میں ناکامی کے بعد پیدا ہونے والے حالات میں حکومتی ترجیحات پر عملدرآمد کا مزید کوئی جواز باقی نہیں رہتا۔
رواں ہفتے اپنے ایک بیان میں وزیراعظم دراگی نے کہا تھا کہ دی فائیو اسٹار موومنٹ کے بغیر کوئی حکومت نہیں بنے گی اور اس کے علاوہ انہیں کوئی اور اتحادی میک اپ قبول نہیں ہے۔
اطالوی وزیر اعظم نے فیصلہ ملک میں جاری سیاسی ومعاشی بحران کے باعث کیا۔
