مشال ارشد سی ایم انڈر گراؤنڈ نیوز
دوست محمد مزاری کے خلاف عدم اعتماد کی تحریک کامیاب ہونے کے بعد پنجاب اسمبلی میں ڈپٹی اسپیکر کے انتخاب کے لیے شیڈول جاری کردیا گیا۔
ذرائع کے مطابق ڈپٹی اسپیکر کے انتخاب کے لیے کاغذات نامزدگی آج شام 5 بجے تک جمع ہوں گے۔
ڈپٹی اسپیکر کے انتخاب کے لیے اسمبلی کا اجلاس اتوار دوپہر 1 بجے ہوگا۔
اسپیکر پنجاب اسمبلی سبطین خان نے ڈپٹی اسپیکر دوست محمد مزاری کے خلاف عدم اعتماد کی تحریک کامیاب ہونے کے بعد اجلاس اتوار دوپہر ایک بجے تک ملتوی کردیا۔
خیال رہے کہ پنجاب اسمبلی میں گزشتہ روز پی ٹی آئی کے سبطین خان اسپیکر منتخب ہوئے ہیں اور انہوں نے حلف اٹھاتے ہی ڈپٹی اسپیکر دوست محمد مزاری کے خلاف عدم اعتماد پر کارروائی شروع کرائی تھی۔
ڈپٹی اسپیکر کے خلاف عدم اعتماد کی تحریک پر ووٹنگ اورگنتی کا عمل مکمل ہوا، دوست مزاری کے خلاف تحریک عدم اعتماد کے حق میں 186 ووٹ پڑے۔
