مشال ارشد سی ایم انڈر گراؤنڈ نیوز
گزشتہ دنوں یہ خبر سامنے آئی تھی کہ تقریباً 6 سال سے زائد عرصہ ساتھ رہنے کے بعد بالی وڈ اداکار ٹائیگر شروف اور اداکارہ دیشا پٹانی کا بریک اپ ہوگیا ہے۔
ٹائیگر شروف اور دیشا پٹانی کے حوالے سے کئی سالوں سے افواہیں تھیں کہ دونوں کے ایک دوسرے کے ساتھ قریبی تعلقات ہیں اور وہ جلد شادی کریں گے۔
لیکن گزشتہ دنوں ٹائیگر شروف کے قریبی دوست نے ہندوستان ٹائمز کو بتایا کہ’ ٹائیگر اور دیشا اب ایک ساتھ نہیں،ان کا بریک اپ ہوگیا ہے۔ یہ واضح نہیں کہ ان کے درمیان کیا ہوا لیکن وہ دونوں اب سنگل ہیں’۔
تاہم اب بھارتی میڈیا دعویٰ کر رہا ہے کہ دیشا اور ٹائیگر کے بریک اپ کی وجہ سامنے آگئی ہے۔
بھارتی میڈیا رپورٹس کے مطابق دیشا پٹانی نے کئی بار ٹائیگر شروف کو شادی کرنے کا کہا لیکن بار بار اداکار کی جانب سے انکار کی وجہ سے دونوں کے درمیان بریک اپ ہوگیا۔
رپورٹس میں کہا گیا ہے کہ دیشا اپنے اور ٹائیگر کے رشتے کو شادی کا نام دینا چاہتی تھی لیکن اداکار نے ہمیشہ ‘ نہیں ابھی نہیں’ کا جواب دیا۔
خیال رہے کہ بریک اپ کے حوالے سے دیشا اور ٹائیگر شروف کی جانب سے اب تک کوئی بیان سامنے نہیں آیا۔
