مشال ارشد سی ایم انڈر گراؤنڈ نیوز
سندھ میں گذشتہ 2 روز سے جاری بارش کے دوران کچے مکانات گرنے اور برساتی پانی میں ڈوبنے کے مختلف واقعات میں اب تک 25 افراد کی ہلاکت کی اطلاعات سامنے آئی ہیں۔
نوشہرو فیروز میں 9، خیرپور میں 4، جیکب آباد،کندھ کوٹ میں 3، سکھر، سانگھڑ، نواب شاہ، ٹنڈوالہ یار اور رتو ڈیرو میں 9 افراد جان کی بازی ہار گئے۔
خیال رہے کہ اندرون سندھ میں گزشتہ روز سے شدید بارشوں کا سلسلہ جاری ہے جس سے سڑکیں تالاب بن گئیں اور بجلی کا نظام درہم برہم ہوگیا۔
حیدرآباد میں بدھ کی شام سے شروع ہونے والی بارش کا سلسلہ تیسرے روزبھی وقفے وقفے سےجاری ہے جہاں 24 گھنٹوں کے دوران شہر میں 38 اور ائیر پورٹ ایریا میں 21 ملی میٹر بارش ریکارڈ کی گئی ہے۔
