عارف چوہدری
منہاج القرآن اولڈہم نے یاد علی رضی اللہ عنہ کے حوالہ سے سپاہنس گرلز اکیڈمی میں محفل سماع کا انعقاد کیا جس میں منہاج القرآن انٹرنیشنل مانچسٹر کے ڈائریکٹر عبدل الستار سراج نوجوان نعت خواں شہباز حسن قادری ، قوال اسماعیل حسین نے شرکت کر کے روحانی محفل میں شریک افراد پر وجدان طاری کر دیا ۔اس موقع پر عبدل الستار سراج نے کہا کہ آقائے کائنات کے علم ،حکمت ولایت اور روحانیت کا واحد دروازہ سیدنا حضرت علی کرم اللہ وجہہ ہیں اور جو کائنات کی فیوض و برکات حاصل کرنا چاہتا ہے وہ حضرت علی کرم اللہ وجہہ سے پیار کرے تو اسکو آقائے کائنات کے در کی ساری خیرات نصیب ہو جائے گی ۔محمد ارشد قادری نے کہا کہ کامیاب محفل کا انعقاد ہوا جس میں نوجوان نسل نے بھرپور شرکت ایسی محافل کا انعقاد تواتر سے ہونا چاہیے ۔ قوال اسماعیل حسین نے کہا روحانی محفل کا خوبصورت انعقاد ہوا ماہ رمضان کی آمد پر کمیونٹی کے اندر ایسی محافل کا انعقاد ضروری ہے ۔ اویس خان اور اسماعیل حسین کا کہنا تھا کہ منہاج القرآن اولڈہم نے نوجوانوں کی تربیت کے لیے خصوصی محفل کا انعقاد کیا جس میں حضرت علی کرم اللہ وجہہ کی جرات و شجاعت بارے بیان کیا گیا ایسی محافل کا انعقاد ناگزیر ہے تاکہ نوجوان نسل کو اسلامی تاریخ سے آگاہی ہوتی رہے ۔
برطانیہ میں نوجوان نسل کو تاریخ اسلام سے آگاہی دینے بارے منہاج القرآن اولڈہم نے مقامی سطح پر روحانی محفل کا انعقاد قابل قدر و ستائش ہے
