.مصباح لطیف(اے ای انڈرگرائونڈ نیوز)
کراچی: قائد آباد کی تفتیشی پولیس نے ٹھٹھہ میں چھاپا مار کر مظفرآباد کالونی سے 2 روز قبل اغوا کی گئی لڑکی بازیاب کرالی۔
قائدآباد تفتیشی پولیس نے ٹھٹھہ پولیس کے ساتھ سجاول میں مکان پر چھاپہ مار کر مظفرآباد کالونی سے اغوا کی گئی لڑکی بازیاب کرائی۔
لڑکی کے اہلخانہ نے دو روز قبل پولیس سے رابطہ کیا تھا اور اہلخانہ نے لڑکی کے اغوا ہونے کا بتایا۔
اغواکاروں نے لڑکی کی تشدد زدہ تصاویر اہلخانہ کو موبائل فون پر بھیجیں، واقعہ کی تکنیکی بنیادوں پر تفتیش کی تو ملزمان کی لوکیشن ٹھٹھہ میں آئی۔
تفتیشی ٹیم نے ایس ایس پی ٹھٹھہ عدیل چانڈیو کی مدد سے خالی مکان پر چھاپہ مارا جہاں سے لڑکی کو بازیاب کرایا گیا۔
پولیس کا کہنا ہےکہ مغوی لڑکی کراچی منتقل کردی گئی ہے اور اس سے اغواکاروں سے متعلق معلومات لی جارہی ہیں۔
