لاہور: گلگت بلتستان سکاؤٹس نے 28ویں نیشنل اسکی چیمپئن شپ جیت لی۔
پاکستان ائیر فورس کےاولمپئین محمد کریم نے سلالم اور جائینٹ سلالم کیٹیگری کے دونوں طلائی تمغے اپنے نام کرلئے۔ گلگت بلتستان اسکاؤٹس کے میر نواز نے دونوں کیٹیگریز میں چاندی کے تمغے حاصل کیے۔
گلگت بلتستان سکاؤٹس کے زاہد عباس نے سلالم اور وقار جونئیر نے جائینٹ سلالم میں کانسی کے تمغے حاصل کیے۔ گلگت اسکی ایسوسی ایشن نے آئس اسپیڈ اسکیٹنگ چمپیئن شپ اپنے نام کرلی۔
آئس ہاکی کے فائنل میں گلگت بلتستان اسکی ایسوسی ایشن نے گلگت سکاؤٹس کو سات کے مقابلے میں ایک گول سے شکست دی۔
