مصبا ح لطیف (اے ای انڈرگرائونڈ نیوز)
پاکستان مسلم لیگ ن اور پاکستان پیپلز پارٹی کی قیادت کی جانب سے غزہ کے اسپتال پر اسرائیلی بمباری کی مذمت کردی گئی۔
مسلم لیگ ن کی رہنما مریم نواز نے کہا کہ غزہ میں جو کچھ ہوا وہ ظالمانہ، وحشیانہ اور غیر انسانی ہے۔
انہوں نے کہا کہ اسپتالوں پر بمباری جنگی جرم ہے، دنیا اسرائیل کے مظالم پرآنکھیں بند نہیں کرسکتی، یہ پاگل پن اب بند ہوناچاہیے، ذمہ داروں کا احتساب ہونا چاہیے۔
سابق وزیر خارجہ اور چیئرمین پیپلزپارٹی بلاول بھٹو نے بھی غزہ میں اسپتال پر اسرائیلی بمباری کی مذمت کرتے ہوئے کہا کہ اسرائیل نے اسپتال پر حملہ کرکے سفاکیت کی تمام حدوں کوعبورکرلیا ہے۔ اسپتال پر اسرائیلی حملہ پوری انسانیت کیلئے شرم کا مقام ہے۔
بلاول بھٹو نے کہا کہ اسپتال پر حملےمیں سینکڑوں فلسطینیوں کی شہادت اسرائیلی بربریت کا کھلا ثبوت ہے۔
انہوں نے مطالبہ کیا کہ عالمی ادارے اسرائیل کی انسانیت سوز پیش قدمی کو روکنے کیلئے کردار ادا کریں۔
