مصبا ح لطیف (اے ای انڈرگرائونڈ نیوز)
سابق وزیراعظم و مسلم لیگ (ن) کے قائد نواز شریف نے 21 اکتوبر کو استقبالیہ جلسے کو ناقابل فراموش اجتماع قرار دے دیا۔
سماجی رابطوں کی ویب سائٹ ایکس پر اپنی پوسٹ میں نواز شریف کا کہنا تھاکہ 21 اکتوبر کو تاریخی استقبال اور مینار پاکستان پر ایک ناقابل فراموش اجتماع منعقد کرنے پر عوام، خاص طور پر پاکستان مسلم لیگ (ن) کے رہنماؤں اور ملک بھرسے تشریف لانے والے نوجوانوں، خواتین سمیت تمام محترم کارکنوں کا تہہ دل سے شکریہ ادا کرتا ہوں۔
انہوں نے کہا کہ آپ کی محبت، محنت اور خلوص میرا قیمتی اثاثہ تھا، ہے اور رہے گا۔
ان کا کہناتھاکہ اللّٰہ تعالیٰ کے فضل اور آپ کے جذبے کے طفیل پاکستان اور عوام پھر سے بحرانوں سے نجات پائیں گے۔
خیال رہے کہ سابق وزیراعظم نواز شریف 4 سال بعد 21 اکتوبر کو وطن واپس پہنچے تھے اور ان کی آمد پر لاہور کے مینار پاکستان گراؤنڈ میں ن لیگ کی جانب سے جلسے کا انعقاد کیا گیا تھا جس میں ہزاروں افراد نے شرکت کی تھی۔
