مصبا ح لطیف (اے ای انڈرگرائونڈ نیوز)
پاکستان کا قومی ٹیسٹ کرکٹ ٹیم اسکواڈ دورہ آسٹریلیا کیلئے اسلام آباد پہنچ گیا ہے، آج سے تربیتی کیمپ کا آغاز کیا جائے گا۔
راولپنڈی اسٹیڈیم میں 28 نومبر تک جاری رہنے والے اس تربیتی کیمپ میں امام الحق اور فہیم اشرف شادیوں کی وجہ سے شرکت نہیں کریں گے۔
قومی ٹیسٹ کرکٹرز حسن علی اور محمد وسیم جونیئر جمعے کو کیمپ میں شامل ہوں گے جبکہ نوید اکرم چیمہ دورہ آسٹریلیا کیلئے ٹیسٹ اسکواڈ کے منیجر ہوں گے اور منصور رانا بطور اسسٹنٹ منیجر ٹیسٹ اسکواڈ کے ہمراہ ہوں گے۔
پاکستانی اسکواڈ 28 نومبر کو اسلام آباد سے لاہور روانہ ہوگا جس کے بعد قومی ٹیم 30 نومبر کو لاہور سے آسٹریلیا کیلئے روانہ ہو جائے گی۔