نمائندہ خصوصی(کراچی)
کراچی: سندھ ہائیکورٹ نے عید تک گجرنالے اور اورنگی نالے پر آپریشن فوری روکنے کا حکم دے دیا۔
سندھ ہائیکورٹ میں تجاوزات کی آڑ میں لیز مکانات گرانے کے خلاف درخواست پر سماعت ہوئی جس دوران اورنگی اورگجر نالے کے متاثرین عدالت میں پیش ہوئے۔
متاثرین نے نالوں پر آپریشن روکنے اور متبادل جگہ کے لیے درخواست دائر کررکھی ہے۔
عدالت نے انتظامیہ کو عید تک گجرنالے اور اورنگی نالے پر جاری آپریشن فوری روکنے کا حکم دیا ہے۔
عدالت نے کہا کہ عید کے دنوں میں شہریوں کو گھروں سے بے دخل نہ کیا جائے۔
