مشال ارشد سی ایم انڈرگراونڈ نیوز
پولیس نے کتے کو تشدد سے ہلاک کرکے نالے میں پھینکنے والے شخص کو گرفتار کرلیا۔
بھارتی میڈیا کے مطابق یہ واقعہ بنگلورو کے قریب پیش آیا جہاں پولیس نے ہفتے کے روز کتے کو ہلاک کرنے کا مقدمہ درج کیا۔
پولیس کا کہنا ہےکہ چنتم دیوالا گاؤں میں ایک شخص نے کتے کو بری طرح تشدد کا نشانہ بنایا جس سے وہ ہلاک ہوگیا جس کے بعد اس نے کتے کی لاش نالے میں پھینکی جب کہ اس واقعے کی عوام نے ویڈیو بنائی جوسوشل میڈیا پر وائرل ہوگئی۔
پولیس کے مطابق ویڈیو میں موجود شخص کی شناخت چندرپا کے نام سے ہوئی جس کے خلاف جانوروں کے حقوق کے لیے کام کرنے والی غیر سرکاری تنظیم نے مقدمہ درج کرنے کی درخواست دی تھی۔
پولیس کا کہنا ہےکہ ملزم کے خلاف مقدمہ درج کرکے اسے گرفتار کرلیا گیا ہے۔
