مزمل حسین ایڈمنسٹریٹر آفسیر انڈرگراونڈ نیوز
کراچی میں الآصف اسکوائر کے قریب ٹرک کی ٹکر سے پنکچر کی دکان پر کام کرنے والے 2 نوجوان جاں بحق ہو گئے۔
ریسکیو ذرائع کے مطابق 15 سالہ عبدالجبار اور 16 سالہ ارباز پنکچر کی دکان پر کام کر رہے تھے کہ اسی دوران ریورس آتے ایک ٹرک نے دونوں نوجوانوں کو کچل دیا۔
ذرائع کا بتانا ہے کہ ٹرک کی زد میں آکر دونوں نوجوان موقع پر ہی جاں بحق ہو گئے۔
پولیس کا کہنا ہے کہ بچوں کو کچلنے والے ڈرائیور کو گرفتار کر کے ٹرک کو تحویل میں لے لیا ہے اور واقعہ کا مقدمہ درج کر کے تفتیش کا آغاز بھی کر دیا ہے۔
