مزمل حسین ایڈمنسٹریٹر آفسیر انڈرگراونڈ نیوز
پنجاب کے وزیرِ اعلیٰ سردار عثمان بزدار کا حزبِ اختلاف کو تنقید کا نشانہ بناتے ہوئے کہنا ہے کہ اپوزیشن کی قسمت میں رونا لکھا ہے اور یہ آئندہ بھی روتے رہیں گے۔
جاری کیئے گئے ایک بیان میں پنجاب کے وزیرِ اعلیٰ سردار عثمان بزدار نے کہا ہے کہ صدرِ مملکت ڈاکٹر عارف علوی کا خطاب قومی اتحاد اور یک جہتی کا مظہر ہے۔
انہوں نے کہا کہ صدر عارف علوی نے اپنے خطاب میں عوامی امنگوں کی ترجمانی کی۔
وزیرِ اعلیٰ پنجاب نے کہا کہ اپوزیشن جماعتوں نے غیر پارلیمانی اور غیر جمہوری رویے کا مظاہرہ کیا۔
ان کا مزید کہنا ہے کہ اپوزیشن جماعتوں کا اخلاق سے گرا ہوا رویہ قابلِ مذمت ہے۔
عثمان بزدار کا یہ بھی کہنا ہے کہ پاکستان کی ناکام ترین اپوزیشن نے پارلیمانی روایات کی دھجیاں اڑائیں۔
