روچڈیل سے بیورو رپورٹ
نوجوان ولید احمد نے محفل کا آغاز قرآن مجید کی تلاوت پاک سے کیا۔ حاجی ظفر احمد نے درد بھری آواز میں جدائی پر خوبصورت اشعار پڑھے۔ جبکہ نظامت کے فرائض امام و خطیب اعظم گھمکول شریف مسجد قاری عبد الرؤف نے سر انجام دیئے۔
روچڈیل کی مساجد کے علماء اکرام نےخصوصی شرکت کی۔جن میں خطیب اعظم علامہ مولانا صدیق کوثر،خطیب اعظم مولانا عبدالحکیم ،خطیب اعظم قاری عبد الرؤف نے اپنے خطاب میں ماں کی شان و عظمت قرآن و حدیث کی روشنی میں بیان کی۔
علماء اکرام نے حاضرین محفل و بالخصوص نوجوانوں کو مخاطب کرتے ہوئے کہا کہ والدین کی خدمت ،ادب و احترام اور ان کے ساتھ حسن سلوک سے پیش آئیں۔اسی میں دنیا و آخرت میں کامیابی حاصل ہوگی۔
آقا و دوجہاں سرور کائنات محمد صلی اللہ علیہ وآلہ وسلم کے فرمان اور قرآن پاک کی تعلیمات کے مطابق زندگی بسر کرنے اور اس پر عمل کرنے کو یقینی بنایا جائے۔
آخر میں خطیب اعظم قاری عبد الرؤف نے محترمہ عزرہ پروین مرحومہ کی مغفرت و بخشش کے لیے دعا کی۔
ایصال ثواب کی اس محفل میں کونسلر شکیل احمد،ظفیر احمد،لالہ جاوید،خالد چوہدری، چوہدری محمد خالق،محمد اختر،محمد یعقوب و دیگر سیاسی و سماجی شخصیات اور لوگوں نے بہت بڑی تعداد میں شرکت کی۔
