ابوظبی (خصوصی رپورٹ)
امارات کے صدر صاحب السمو شیخ خلیفہ بن زاید آل نہیان نے 870 قیدیوں کی سزا معاف کرتے ہوئے انہیں رہا کرنے کا حکم جاری کیا ہے۔ اماراتی نیوز ایجنسی ’وام‘ کے مطابق امارات کے 50 ویں یوم الوطنی کی مناسبت سے قیدیوں کو رہا کرنے کی ہدایت کی گئی ہے۔
قیدیوں پر عائد مالی جرمانے کی ادائیگی امارات کے صدر صاحب السمو شیخ خلیفہ بن زاید آل نہیان کریں گے جبکہ ان کی باقی سزا معاف کردی جائے گی۔ حکومت کی جانب سے یہ قدم امارات کی انسانیت نوازی اور درگزر و معاف کرنے کے اقدار کو فروغ دینے کے لیے ہے۔
رہا ہونے والے قیدیوں کو نئی زندگی گزارنے کا موقع فراہم کیا جارہا ہے۔ علاوہ ازیں ان کے خاندانوں پر قید کی وجہ سے عائد مشکلات میں کمی آئے گی۔