مزمل حسین(ایڈمنسٹریٹر آفیسر انڈر گرائونڈ نیوز)
معروف بھارتی اداکار جیتندر نے کہا ہے کہ ماضی میں جب فلموں کیلئے بنگلے 25 ہزار اور ٹی وی سیریلز کے لیے 8 ہزار میں شوٹنگ کے لیے بک کرواتے تھے، اس وقت ایکتا کپور نے 4، 4 کروڑ روپے کے صرف سیٹ لگوائے۔
بھارتی ٹیلی ویژن کے مشہور ’کپل شرما شو‘ کی ایک ویڈیو میں بالی ووڈ کے سینئر اداکار اپنی بیٹی ایکتا کپور کے ساتھ نظر آئے۔
جیتندرا نے اس موقع پر بتایا کہ ماضی میں جب ٹیلی ویژن شوز بنگلوں پر ہوا کرتے تھے اور یہ بنگلے فلموں کے لیے 25 ہزار اور ٹی وی سیریلز کے لیے 8 ہزار میں شوٹنگ کرواتے تھے۔
لیکن شوبھا کپور (جیتندر کی اہلیہ) اور ایکتا نے اس وقت بھی چار، چار کروڑ کے سیٹ لگاکر شوٹس کیے اور پھر انھوں نے اسے 5 سال تک چلایا۔
انھوں نے کہا کہ پہلے ایسا کوئی نہیں کرتا تھا۔ اس موقع پر ایکتا کپور نے لاک ڈاؤن کے دوران اپنے کام کو جاری رکھنے کے حوالے سے بھی بتایا۔
