مزمل حسین(ایڈمنسٹریٹر آفیسر انڈر گرائونڈ نیوز)
پاکستانی اداکار اور پروڈیوسر ہمایوں سعید کو متحدہ عرب امارات کا گولڈن ویزا مل گیا۔
ہمایوں سعید نے جمعے کے روز انسٹا گرام پر ایک پوسٹ کرتے ہوئے متحدہ عرب امارات کی جانب سے گولڈن ویزا ملنے کی خبر اپنے مداحوں کو دی۔
ہمایوں سعید کی پوسٹ میں دیکھا جاسکتا ہے کہ متحدہ عرب امارات کے ترجمان اداکار کو گولڈن ویزا دے رہے ہیں۔
اداکار نے پوسٹ کے کیپشن میں متحدہ عرب امارات حکومت کا شکریہ ادا کرتے ہوئے لکھا کہ ‘یو اے ای کا گولڈن ویزا حاصل کرنا میرے لیے اعزاز کی بات ہے ، یہاں کے لوگوں نے ہمیشہ ہی مجھے پیار دیا اور میرے کام کی تعریف کی، جس کا میں بہت مشکور ہوں’۔
واضح رہے کہ گولڈن ویزا حاصل کرنے والے افراد نیشنل اسپانسر کے بغیر متحدہ عرب امارات میں تعلیم ،کاروبار اور رہائش اختیار کرسکتے ہیں۔
یاد رہے کہ ہمایوں سعید سے قبل حال ہی میں وسیم اکرم ، شعیب ملک اور ثانیہ مرزا متحدہ عرب امارات کی جانب سے دبئی کا گولڈن ویزا حاصل کر چکے ہیں۔
