مزمل حسین(ایڈمنسٹریٹر آفیسر انڈر گرائونڈ نیوز)
کراچی میں شاہراہ پاکستان پر واقع نجی میڈیکل کمپلیکس سے نومولود بچے کو اغوا کرلیا گیا۔
پولیس کے مطابق نومولود بچے کے اغوا کا مقدمہ گلبرگ تھانے میں درج کرلیا گیا ہے جبکہ اسپتال عملے کے تین افراد زیر حراست ہیں جن میں ایک خاتون بھی شامل ہے۔
بچے کی والدہ کا کہنا ہے دو خواتین ڈاکٹر اور نرس کے روپ میں آئیں، انہوں نے کہا کہ بچے کی طبیعت خراب ہے اسے آئی سی یو لے کر جا رہے ہیں تاہم جب ہم کچھ دیربعد آئی سی یو گئے تو بچہ غائب تھا۔.
واقعہ ہفتے کی صبح چار بجے پیش آیا ،اطراف سے ملنے والی سی سی ٹی وی میں دیکھا گیا کہ ایک رکشہ پہلے سے اسپتال کے باہر کھڑا ہےجبکہ دو خواتین رکشے کے پاس آتی ہیں۔
سی سی ٹی وی فوٹیج کے مطابق ایک خاتون کے پاس بچہ ہے جو رکشےمیں بیٹھی خاتون کے حوالے بچہ کرتی ہے جس کے بعد تینوں خواتین رکشے میں بیٹھ کر فرار ہوجاتی ہیں۔
