مشال ارشد سی ایم انڈر گراؤنڈ نیوز
دوشنبے: بلی جین کنگ ٹینس کپ میں پاکستان نے ترکمانستان کو ہرا دیا۔
پاکستان کی ٹینس کھلاڑی اشنا سہیل کی شاندار پرفارمنس نے پاکستان کو 1-2 سے فتح دلائی۔
اشنا نے پہلے اپنا سنگل میچ جیتا پھر ہم وطن کھلاڑی سارہ محبوب کے ساتھ ڈبلز میں کامیابی حاصل کی، سارہ محبوب کو اپنے سنگل میچ میں شکست ہوئی تھی۔
پاکستان ٹیم نے پول بی میں تین میں سے دو میچز جیتے ہیں اور پاکستان ٹیم کی اپنے پول میں دوسری پوزیشن رہی ہے۔
اس سے قبل پاکستان ٹیم نے تاجکستان کو ہرایا تھا جب کہ منگولیا سے اسے شکست ہوئی تھی۔
اب پاکستان ٹیم ایشین اوشیانیا گروپ ٹو میں تیسری پوزیشن کے لیے سری لنکن ٹیم سے مقابلہ کرے گی۔
