مشال ارشد سی ایم انڈرگراؤنڈ نیوز
عمران خان اور تحریک انصاف کے ’ایبسلیوٹلی ناٹ‘ سے جُڑے بیانیے پر پیپلز پارٹی کے رہنما سعید غنی کا طنزیہ اور دلچسپ تبصرہ سامنے آیا ہے۔
ٹوئٹر پر ایک پوسٹ میں سعید غنی نے لکھا کہ ان کے ایک دوست سے کسی نے پوچھا کہ ’اگر کترینا کیف تم سے شادی کے لیےکہے تو تمہارا کیا جواب ہوگا؟‘ دوست نے جواب دیا ’ایبسلیوٹلی ناٹ‘ ۔
سعید غنی کے مطابق اس دن سے ان کا دوست بڑے فخر اور تکبر سے ہر جگہ یہ کہتا پھر رہا ہے کہ ’کترینا کیف نے انھیں شادی کا کہا اور ان کا جواب تھا ’ایبسلیوٹلی ناٹ‘ ۔
بعدازاں ایک اور ٹوئٹ میں سعید غنی نے مزید لکھا کہ ہمارے اسی دوست کے کرتوتوں کی وجہ سے اہلیہ نےگھر سے نکال دیا ہے اور اب پورے جہاں میں رولا ڈالا ہوا ہےکہ کترینہ کیف نے سازش کرکے مجھے گھر سے نکلوا دیا ہے۔
