سعودی عرب میں رمضان کا چاند نظر نہیں آیا پہلا روزہ منگل کو ہوگا

(بیوروچیف دبئی)

سعودی عرب میں اتوار 11اپریل کو رمضان کا چاند کہیں نظر نہیں آیا۔ پیر بارہ اپریل کو شعبان کی 30 تاریخ ہوگی۔
سبق، عاجل ویب سائٹس کے مطابق ’سعودی عرب میں موجود رویت ہلال کی کمیٹیوں نے رمضان کا چاند دیکھنے کی کوشش کی تاہم کہیں بھی اس کی اطلاع نہیں ملی‘
یاد رہے کہ سعودی سپریم کورٹ نے مقامی اورغیرملکیوں سے اپیل کی تھی کہ اتوار گیارہ اپریل کو 29 شعبان کو رمضان کا چاند دیکھنے کی کوشش کی جائے۔ چاند نظر آنے پر اپنی شہادت قریب ترین عدالت یا سرکاری ادارے میں قلمبند کرائیں۔
قبل ازیں ماہرین فلکیات نے اس یقین کا اظہار کیا تھا کہ اتوار 11 اپریل کو سعودی عرب سمیت دنیا کے کسی بھی ملک میں چاند نظر نہیں آئے گا۔