دبئی (خصوصی رپورٹ)
امارت ام القوین میں 2 عشروں سے زائد عرصے سے لاوارث طیارہ معروف لیکن پراسرار پہچان رہا ہے۔
لیکن اب یہ زیادہ عرصے وہاں نہیں رہے گا۔ یواے کی شارع ای 11 کے ساتھ بارا کوڈ بیج زیزورٹ کے قریب یہ کھڑے سوویت دور کے مال بردار طیارے کو اب ختم کیا جارہا ہے۔
اماراتی میڈیا کے مطابق ٹربوفین انجن جو کبھی اس شاہانہ طیارے کو طاقت دیتے تھے اب زمین پر بکھرے پڑے ہیں اور اس کے پروں کو اب توڑا جارہا ہے۔ وہاں موجود ایک سیکیورٹی گارڈ کے مطابق طیارے کو ختم کیا جارہا ہے اور یہ سلسلہ کچھ دن قبل شروع ہوا ہے۔ اس نے مزید تفصیلات نہیں بتائی ہے۔ اس کا بھی علم نہیں ہوسکا کہ اس دیوہیکل تجارتی مال بردار طیارے کو اسکریپ میں تبدیل میں کتنا وقت لگے گا۔
طیارہ سازی کے ماہرین کے مطابق طیارے کو توڑنے میں 10 ہفتے یا اس سے زیادہ عرصہ لگ سکتا ہے۔ اس کے علاوہ اس میں موجود باقی ایندھن اور انجن آئل کو احتیاط سے نکال کر ضائع کرنا ہوگا کیونکہ یہ ماحول کے لئے خطرناک ہوسکتا ہے۔
