دبئی (خصوصی رپورٹ)
متحدہ عرب امارات کی وزارت افرادی قوت نے کہا ہے کہ’ 15 جون سے 15 ستمبر 2022 تک دوپہر ساڑھے بارہ بجے سے سہ پہر 3 بجے تک کھلے مقامات پر دھوپ میں کسی بھی کارکن سے کام نہیں لیا جاسکتا ہے اس پر پابندی ہے۔
یواے ای میں دوپہر کے وقت کھلے مقامات پر دھوپ میں کام پر پابندی کا سلسلہ 17 برس پہلے شروع کیا گیا تھا‘۔ بیان میں کہا گیا کہ’ پابندی انسانی بنیادوں پر ہے۔ موسم گرما میں زیادہ درجہ حرارت کے باعث محنت کشوں کے لیے کھلے مقامات پر دھوپ میں کام کرنا بے حد مشکل ہوتا ہے‘۔ یواے ای میں پابندی کے عرصے میں کھلے مقامات پر کام کرنے کی صورت میں جرمانہ بھی کیا جاتا ہے۔
