مشال ارشد سی ایم انڈر گراؤنڈ نیوز
ملکہ برطانیہ الزبتھ دوم کو برطانیہ میں زمینی جائیدادوں کی سب سے بڑی مالک کے طور پر چھوٹ مل گئی۔
برطانوی میڈیا کے مطابق ملکہ برطانیہ کی اجازت کے بغیر پولیس تحقیقات کیلئے بالمورل، سینڈرنگھم اسٹیٹس میں داخل نہیں ہوسکتی۔
رپورٹس کے مطابق ملکہ کو حاصل استثنیٰ برطانیہ میں کسی بھی زمیندار کو حاصل نہیں ہے جبکہ اب ملکہ کے فشنگ کاروبار میں بھی پولیس کو تحقیقات کیلئے ان کی رضامندی لینا ضروری ہوگی۔
برطانیہ میں خودمختار استثنیٰ کے دیرینہ نظریے کے تحت،بادشاہ کے خلاف بطور سربراہ مملکت فوجداری کارروائی نہیں کی جاتی۔
مقامی میڈیا کے مطابق ملکہ برطانیہ کو ریکارڈ 160 سے زائد برطانوی قوانین میں غیر معمولی استثنیٰ حاصل ہے ۔
اس کے علاوہ جانوروں کی فلاح وبہبود سے لے کر کارکنوں کے حقوق تک درجنوں استثنیٰ میں اضافہ ہوا ہے۔
