مشال ارشد سی ایم انڈر گراؤنڈ نیوز
عامر لیاقت کی تیسری اہلیہ دانیہ ملک نے ان کی سابقہ اہلیہ سیدہ بشریٰ اقبال اور بیٹی دعا عامر کی جانب سے کارروائی پر رد عمل کا اظہار کیا ہے۔
انسٹاگرام پر دانیہ نے مختلف اسٹوریز شیئر کرتے ہوئے بشریٰ اقبال پر تنقید کی۔
دانیہ کی اسٹوری میں درج تھا کہ پوسٹ مارٹم ہونا چاہیے اور ضرور ہوگا جس کے بعد سب سچ سامنے آجائے گا۔
دانیہ نے لکھا کہ جب پوسٹ مارٹم کی بات آئی تو یہ بشریٰ اور دعا دونوں میڈیا کی سپورٹ مانگنے سامنے آگئیں ، ویسے جب عامر فوت ہوئے تب تو بشریٰ میڈیا کے سامنے نہیں آنا چاہتی تھیں اب بیٹی کو بھی لے کر آگئی ہیں، مطلب کچھ تو ہے جو بی بی پوسٹ مارٹم میں تاخیر کرواتی جارہی ہیں اور اب ہمیں دھمکیاں دلوارہی ہیں کہ اس پیشی پر آئیں تو جان سے جاؤگی، بڑی چالاک عورت ہے، یہ اب خود میڈیا سے سپورٹ مانگ رہی ہیں اور بیچاری بننے کی کوشش کررہی ہیں۔
دانیہ نے بشریٰٰ پر تنقید کرتے ہوئے لکھا کہ بی بی جب نکاح ہوا جب آپ ساتھ تھیں؟اس کا موبائل ہڑپ کر کے اب آپ جھوٹی افواہیں پھیلارہی ہیں ،جاتے جاتے وہ معاف کرگئے تھے اور میرے پاس تو سب ثبوت ہیں کہ بچوں کہ نام پر آپ کتنا لٹاتی تھیں؟ انہیں بڑی فکر تھی آپ کی عزت کی جب ان کی ویڈیو لیک ہوئی، آپ نے تب ایکشن نہیں لیا، اب دولت نے اندھا جو کیا ہے لالچی عورت۔
دانیہ نے واضح کیا کہ مجھے صرف پوسٹ مارٹم چاہیے میں صرف پوسٹ مارٹم کروانا چاہتی ہوں، مجھے حق ہے باقی کارروائی تو میں بعد میں کروں گی۔
دانیہ نے اپنی اسٹوری میں بشریٰ سے سوال کیا کہ اس کی موت کی ذمہ دار تو آپ زیادہ خود ہیں، عامر لیاقت کو بچوں سے جدا کیوں کیا ؟ طلاق تو آپ کو ہوئی تھی، آپ اپنے بچوں کو اٹیچ کرتیں، عامر کے ساتھ تو یہ نوبت نہیں آتی، دوسروں پر تہمت لگانے سے پہلے اپنے اندر جھانک لو ،دولت نے اندھا کیا ہوا ہے۔
دانیہ ملک نے اپنی پوسٹ میں عامر لیاقت کی وفات سے 4 دن قبل ان سے ہوئی گفتگو بھی شیئر کی جس میں ان کی جانب سے دانیہ سےمحبت کا اظہار کیا گیاتھا۔
واضح رہے کہ مرحوم عامر لیاقت کی سابقہ اہلیہ بشریٰ اور بیٹی دعا نے دانیہ شاہ کے خلاف سائبر کرائم میں تحریری شکایات جمع کرائی ہوئی ہے۔
اِدھر دانیہ نے شوہر کا پوسٹ مارٹم کروانے کیلئے عدالت سے رجوع کر رکھا ہے، 28 جولائی کو ان کی درخواست کی سماعت ہوگی۔
