مشال ارشد سی ایم انڈر گراؤنڈ نیوز
سری لنکا کی پاکستان کے خلاف دوسرے ٹیسٹ کی دوسری اننگز میں بیٹنگ جاری ہے اور لنکن ٹائیگرز نے کھانے کے وقفے پر 7 وکٹوں کے نقصان پر 297 رنز بنا لیے ہیں۔
گال ٹیسٹ کے چوتھے روز سری لنکا نے اپنی دوسری نامکمل اننگز 176 رنز 5 کھلاڑی آؤٹ پر شروع کی تو دمتھ کرونا رتنے 27 اور دننجیا ڈی سلوا 30 رنز کے ساتھ وکٹ پر موجود تھے۔
دونوں بلے بازوں نے اپنی ٹیم کا اسکور آگے بڑھایا اور کرونا رتنے 61 رنز بنا کر نعمان علی کی گیند پر عبد اللہ شفیق کے ہاتھوں کیچ آؤٹ ہو گئے جبکہ ڈونتھ ویلا لگے 18 رنز بنا کر محمد نواز کاشکار بنے۔
دوسری جانب ڈی سلوا نے شاندار بلے بازی کا سلسلہ جاری رکھا اور اپنی ففٹی مکمل کی، کھانے کے وقفے پر ڈی سلوا 84 رنز کے ساتھ وکٹ پر موجود تھے۔
مہمان ٹیم نے 7 وکٹوں کے نقصان پر 297 رنز بنا لیے تھے اور سری لنکا کی پاکستان پر مجموعی برتری 444رنز ہو گئی ہے۔
یاد رہے کہ سری لنکا نے پہلی اننگز میں 378 رنز بنائےتھے جس کے جواب میں پاکستانی ٹیم پہلی اننگز میں 231 رنز پر ڈھیر ہو گئی تھی۔
