مشال ارشد سی ایم انڈر گراؤنڈ نیوز
اسلام آباد: نیپرا نے کے الیکٹرک کی جانب سے بجلی کے ٹیرف میں اضافے کی درخواست پر سماعت مکمل کرلی۔
نیشنل الیکٹرک پاور ریگولیٹری اتھارٹی (نیپرا) میں کے الیکٹرک کی جانب سے بجلی کے ٹیرف میں 57 پیسے فی یونٹ اضافے کی درخواست پر سماعت ہوئی۔
دورانِ سماعت جوائنٹ سیکرٹری پاور ڈویژن نے کہا کہ کے الیکٹرک کا ٹیرف ملک کی دیگر بجلی کمپنیوں سے کم ہے، اس اضافے کے باوجود کے الیکٹرک صارفین کو 3.98 روپے فی یونٹ سبسڈی ملےگی۔
نیپرا حکام نے کہا کہ اس وقت کےالیکٹرک کا اوسط ٹیرف 25.52 روپے فی یونٹ ہے اور منظوری کی صورت میں کے الیکٹرک کا اوسط ٹیرف 26.08 روپے فی یونٹ ہو جائے گا۔
اتھارٹی نے کے الیکٹرک کی درخواست پر سماعت مکمل کرلی جس پر فیصلہ اعداد و شمار کا جائزہ لے کر جاری کیا جائے گا۔
دوسری جانب چیئرمین نیپرا کا کہنا تھا کہ اتھارٹی نے گڈو پاور پلانٹ میں فنی خرابی کی انکوائری شروع کر دی ہے، اس پلانٹ کی بندش سے یومیہ 35 کروڑ روپے کا نقصان ہو رہا ہے۔
