لندن (عارف چودھری)
برطانیہ کے محکمہ شماریات کے مطابق ستمبر میں حکومت نے بےتحاشہ قرضے لیے جو 1963 کے بعد اب تک کے سب سے بڑے قرضے ہیں۔
چار مہینوں کے دوران برطانیہ میں اب تیسرے وزیراعظم کا انتخابی عمل شروع ہونے والا ہے۔
غیر ملکی خبر ایجنسی کے مطابق نئے وزیراعظم کو لز ٹرس کی طرف سے اعلان کردہ 45 ارب پاؤنڈ کی ٹیکس کٹوتی کے فیصلے پر نظرثانی کرنا ہوگی۔
لز ٹرس کے اس اقدام سے پاؤنڈ اپنی قدر تیزی سے کھو رہا تھا لیکن وزیر خزانہ جیریمی ہنٹ نے پچھلے ہی ہفتے لز کے معاشی پروگرام کو رول بیک کر دیا ہے۔
محکمہ شماریات نے بتایا کہ حالیہ مہینوں میں سپر مارکیٹس نے اس بات کی نشاندہی کی ہے کہ بڑھتی ہوئی غذائی قیمتوں کی وجہ سے ان کی فروخت میں کمی آئی ہے۔
