مصباح لطیف(اے۔ای انڈرگرائونڈ نیوز)
بلوچستان کےعلاقے کیچ میں نامعلوم افراد کی فائرنگ سے چار افراد جاں بحق ہوگئے جبکہ واشک میں بھی نامعلوم افراد کی فائرنگ کے واقعے میں 2 افراد جاں بحق۔
لیویز حکام کے مطابق ضلع کیچ کے علاقے تمپ سے تعلق رکھنے والے پانچ نوجوان پاک ایران سرحدی علاقے واکی سے تمپ آ رہے تھے کہ تمپ کے قریب پہاڑی علاقے میں نامعلوم افراد نے ان پر فائرنگ کردی۔
پولیس کے مطابق فائرنگ کے نتیجے میں اقبال، بالاج، نیاز اور حنیف موقع پر جان بحق ہوگئے جبکہ ایک نوجوان عمران پاؤں پر گولی لگنے سے زخمی ہوگیا۔
جان بحق ہونے والے چاروں افراد کی میتیں تمپ اسپتال میں ضابطے کی کارروائی کے بعد ورثا کے حوالے کردی گئیں۔
پولیس کا کہنا ہے کہ زخمی نوجوان عمران کو طبی امداد فراہم کر نے کے بعد تربت منتقل کردیا گیا۔
