مصباح لطیف(اے۔ای انڈرگرائونڈ نیوز)
پشاور کے علاقے صدر میں جائیداد کے تنازعہ پر بھتیجے نے فائرنگ کرکے پشاور ہائی کورٹ کے وکیل اپنے چچا کو زخمی کردیا ۔
پولیس کے مطابق ہائی کورٹ کے سینیئر وکیل رضا اللہ فائرنگ سے زخمی ہوئے ہیں۔
رضا اللہ ایڈوکیٹ نے اسپتال میں پولیس کو بیان دیتے ہوئے کہا کہ ان کے بھتیجے جابر نے صدر میں واقع ان کے دفتر میں گھس کر فائرنگ کی جس سے وہ زخمی ہوئے۔
وکیل رضا اللہ کے مطابق ملزم کے ساتھ جائیداد کا تنازعہ چل رہا ہے۔
پولیس کا کہنا ہے کہ واردات کے بعد ملزم فرار ہوگیا جس کی تلاش جاری ہے۔
