(مصبا ح لطیف اے ای انڈرگرائونڈ نیوز)
لاہور کے مختلف علاقوں میں آندھی کے ساتھ بارش اور ژالہ باری سے گرمی کا زور ٹوٹ گیا۔
رپورٹس کے مطابق لاہور میں آندھی کے باعث راوی روڈ پر واقع اسکول کی دیوار گر گئی جس کے نتیجے میں 3 بچے زخمی ہوگئے ۔اس کے علاوہ شہر میں مختلف مقامات پر درخت گرگئے ۔
محکمہ موسمیات کے مطابق لاہور میں آندھی کی رفتار 98 کلو میٹر فی گھنٹہ ریکارڈ کی گئی ۔
اس کے علاوہ سرگودھا، خوشاب، ملتان، خانیوال، بہاول پور، جہانیاں اور بھکر میں کہیں ژالہ باری اور کہیں آندھی کے بعد ہلکی بارش ہوئی۔
راجن پور میں ندی نالوں کا سیلابی ریلا روجھان کے میدانی علاقوں میں داخل ہوگیا جبکہ بلوچستان میں کوہِ سلیمان رینج میں شیرانی اور ژوب کے بعض مقامات پر گرج چمک کے ساتھ بارش ہوئی ۔
