(مصباح لطیف اے ای انڈر گراؤنڈ نیوز)
کراچی: سخی حسن بفرزون کے قریب فائرنگ سے 7 سالہ بچی مریم جاں بحق ہوگئی۔
پولیس کے مطابق فائرنگ کا واقعہ صبح سویرے اس وقت پیش آیا تھا جب والدین 7 سالہ بچی مریم کو اسکول چھوڑنے جارہے تھے، بچی گاڑی کی پچھلی سیٹ پر بیٹھی تھی کہ اچانک گولی سر میں لگی۔
پولیس نے بتایا کہ بچی کو تشویشناک حالت میں اسپتال منتقل کیا گیا جہاں وہ دم توڑ گئی۔
پولیس کےمطابق ممکنہ طور پر روڈ کے دوسری جانب سے نامعلوم افراد کی فائرنگ سے بچی جاں بحق ہوئی۔
دوسری جانب گورنر سندھ کامران ٹیسوری نے مریم کے جاں بحق ہونے پر اظہار افسوس کیا اور واقعے کا نوٹس لیتے ہوئے ایڈیشنل آئی جی کراچی سے رپورٹ طلب کرلی۔
