مصبا ح لطیف (اے ای انڈرگرائونڈ نیوز)
پاکستان پیپلز پارٹی کے سینیئر رہنما سینیٹررضا ربانی نے کہا ہے کہ نگران حکومت کے پاس مینڈیٹ نہیں کہ ایسے قوانین دیکھے جو گزشتہ حکومت نے پاس کیے۔
سینیٹ میں توجہ دلاؤ نوٹس پر سینیٹر رضا ربانی نے نگران وزیر اعظم کی جانب سے کابینہ کمیٹی کی تشکیل کو آئین کے خلاف قرار دے دیا۔
انہوں نے کہا کہ نگران حکومت سمجھتی ہے کہ وہ سپریم کورٹ اور پارلیمنٹ کو بلڈوز کر دے گی۔
دوسری جانب نگران وزیرِ پارلیمانی امور مرتضیٰ سولنگی نے کہا کہ کابینہ کمیٹی رولز آف بزنس کے تحت بنی ہے۔
انہوں نے کہا کہ یہ کمیٹی قانون سازی کیلئے نہیں بلکہ رولز بنانے سے متعلق ہے۔
مرتضیٰ سولنگی کا کہنا تھا کہ آرڈیننس لانا حکومت کا اختیار ہے، ایمرجنسی قانون سازی کی اجازت ہے، چاہتے ہیں جو قانون سازی کریں وہ آئین اور قانون سے بالا نہ ہو۔
