ہیڈ آف نیوز اسلام آباد منتظر مہدی
سابق وفاقی وزیر برائےاقلیتی امور جے سالک نے ہائی کورٹ کے فیصلے کے خلاف سپریم کورٹ میں اپیل دائر کر دی ہے۔ اپیل میں عدالت عظمیٰ سے استدعا کی گئی ہے کہ اقلیتوں کو مساوی حقوق ، صدر وزیراعظم کاانتخاب لڑنے کی اجازت دی جاۓ۔اپیل میں موقف اپنایا گیا ہے کہ ہائی کورٹ یہی درخواست یہ کہ کر مسترد کردی ہے کہ آپ کے ریلیف کا فورم پارلیمنٹ ہے،مانگے گئے حقوق کے لیے آئینی ترمیم کی ضرورت ہے پارلیمنٹ سے رجوع کیا جائے۔45سال سے پاکستان کی خدمت کررہا ہوں اور کرتا رہوں گا،اقلیتی امیدوار کا حلقہ پورے ملک میں ہوتا ہے،مجھے مارشل لاؤں کے خلاف جیل جانے کا اعزاز حاصل ہے،پاکستان کی طرف سے نوبل امن انعام کے لیے منتخب ہونے کا اعزاز حاصل ہے،چاردفعہ رکن قومی اسمبلی رہ چکا ہوں،میرے پاس گھر ہے نہ روزگار،تمام پاکستانیوں کی طرح صدر وزیراعظم اعظم کا الیکشن لڑنے کی اجازت دی جائے۔
