احتساب کا دوغلا نظام ہے، وزیراعظم رائیونڈ کا ہو تو سزا کے باوجود لندن بھیج دیا جاتا ہے، بلاول

مشال ارشد سی ایم انڈرگراونڈ نیوز

چیئرمین پاکستان پیپلز پارٹی بلاول بھٹو زرداری نے کہاہےکہ اپوزیشن میں حکومت گرانے کی طاقت نہیں تو وہ الیکشن تک انتظار کریں گے، عوام خود انہیں لات مار کر گرادیں گے۔

بلاول نے  نواز شریف کو علاج کےلیے لندن جانے دینے پر بھی تنقید کی اور  احتساب کے نظام کو دوغلا اور مذاق قرار دے دیا۔ 

بلاول بھٹو زرداری نے کہا کہ ملک میں احتساب کا دوغلا نظام ہے، وزیراعظم رائیونڈ کا ہو تو سزا کے باوجود لندن بھیج دیا جاتا ہے، نواب شاہ کے صدر پر جھوٹا الزام لگے تو ملک میں ہی قید گزارتا ہے۔

بلاول نے مزید کہا کہ وزیر اعظم باہرسے وہی پیسہ لانےکی بات کررہےہیں جو 90 دن کے اندر لانےکا کہا تھا۔

وزیراعظم کے معاشی بہتری کے دعوؤں پر تنقید کرتے ہوئے بلاول نے کہا کہ بیانات سے واضح ہے کہ وزیراعظم کا کوئی تعلق عام آدمی سے نہیں، وزیراعظم کہتےہیں مشکل وقت ختم ہوگیا ، اے ٹی ایمز کےلیے مشکل وقت ختم ہوا ہوگا، بجٹ آئے گا تو دودھ کا دودھ پانی کا پانی ہوجائےگا۔