مشال ارشد سی ایم انڈرگراونڈنیوز
قومی سکواڈ 25 جون کو براستہ ابوظہبی انگلینڈ روانہ ہوگا۔ انگلینڈ روانگی سے قبل پاکستان کرکٹ سکواڈ کے پاکستان میں موجود ارکان نے ہوٹل آئسولیشن کے لیے رپورٹ کردی۔ پاکستان کرکٹ بورڈ (پی سی بی) کے مطابق لاہور کے ہوٹل میں پہنچنے پر تمام ارکان کی کوویڈ 19 ٹیسٹنگ کی گئی، تمام افراد کو ٹیسٹنگ کے بعد روم آئسولیشن میں بھیج دیا گیا ہے۔
پی سی بی کا کہنا ہے کہ قومی سکواڈ 25 جون کو براستہ ابوظہبی انگلینڈ روانہ ہوگا، برمنگھم پہنچنے پر سکواڈ ڈربی میں تین روز کی روم آئسولیشن کرے گا جس کے بعد قومی سکواڈ ٹریننگ کا اہل ہوگا۔قومی کرکٹ ٹیم انگلینڈ کے خلاف پہلا ون ڈے میچ 8 جولائی کو کھیلے گی۔
