اولڈہم سے (ای آئی سی)
یورپین اسلامک سینٹر اولڈہم جو کہ گریٹر مانچسٹر میں سب سے بڑا اسلامک سینٹر ہے۔
یورپین اسلامک سینٹر اولڈہم کے انچارج و امام و خطیب مولانا محمد اقبال نے بات کرتے ہوئے بتایا کہ بروز بدھ 23 جون کو یہاں پر اولڈہم و گردونواح کی عوام کے لیے ویکسینیشن سینٹر قائم کر دیا گیا ہے۔
جو ہر اتوار کو بغیر کسی بکنگ کے ہر وہ شخص جس کی عمر 18 سال ہے ویکسین لگوا سکے گا۔
علاقہ کے عوام کو جب یہ خبر ملی تو لوگوں نے ویکسین لگوانے کے لیے یورپین اسلامک سینٹر کا رخ کیا۔
دیکھتے ہی دیکھتے لوگوں کی لمبی قطاریں یورپین اسلامک سینٹر کے باہر فٹ پاتھ پر لگ گئیں۔
یاد رہے کہ یورپین اسلامک سینٹر کے اندر ہزاروں لوگوں کے لیے پانچ وقت نماز ادا کرنے کی گنجائش موجود ہے۔
