مانچسٹر (عارف چودھری)
گریٹر مانچسٹر کی کاروباری شخصیات ندیم مغل اور نوشین مغل نے پاکستانی قونصل جنرل طارق وزیر سےان کے آفس میں ملاقات کی۔ ملاقات میں کمرشل اور ٹریڈ سیکرٹری چودھری محمد اختر بھی موجود تھے۔
ملاقات میں ندیم مغل اور نوشین مغل نے پاکستان میں سرمایہ کاری اور بر طانیہ میں پاکستان سے لائے ہوئے گار منٹس کی مارکیٹنگ کے متعلق تفصیل سے بات چیت کی۔ کمرشل اینڈ ٹریڈ سیکرٹری چودھری محمد اختر نے سر مایہ کاری اور مارکیٹنگ کے متعلق ان کو مکمل تفصیلات سے آگاہ کیا۔
قونصل جنرل طارق وزیر نے انکے پاکستان میں سرمایہ کاری پر اپنے مکمل تعاون کا یقین دلایا ۔اس موقع پر ندیم مغل اور نوشین مغل نے میڈیا سے بات کرتے ہوئے بتایا کہ پاکستانی قونصل جنرل طارق وزیر پہلے قونصل جنرل ہیں جنہوں نے پاکستانی کمیونٹی سے قریبی تعلق رکھا ہوا ہے ۔انہیں کمیونٹی کا کوئی فرد ایمرجینسی کام کے لئے بغیر اپواٹمنٹ مل سکتا ہے۔
ہمیں بھی آج ان سے مل کر کاروبار کے لئے بہت معلومات ملیں ہم ان کے مشکور ہیں،انہوں نے وعدہ کیا ہے کہ ان کے برانڈ ڈیم وے ۔مردانہ ملبوسات جو پاکستان سے بن کر آتا ہے یو کے کی مارکیٹنگ میں مکمل تعاون کرینگے۔
